Skúla-føroyameistarin í íverkseting finnast fríggjadagin

Mikudagur 22. februar 2012 - 15:30

Fríggjadagin fer Bjørn Kalsø, landsstýrismaður í mentamálum, at seta ársins finalu í stóru íverksetarakappingini, SkúlaFM, sum hon verður nevnd.

Síðani september 2011 hava 400 næmingar í seks skúlum verið við í ársins íverksetarakapping, sigur Íverksetarahúsið.

Nú er feltið tódnað niður í 20 næmingar, sum hava kvalifiserað seg til at umboða skúlarnar í sjálvari finaluni og hon verður í Skálanum í Norðurlandahúsinum í fríggjamorgunin frá klokkan 9.30.

- Stóra luttøkan í SkúlaFM má sigast at vera eitt rættuligt gjøgnumbrot fyri íverkseting í fólkaskúlanum, sigur Íverksetarahúsið.

Nú stendur sjálv finalan fyri framman, og vit bíða í spenningi eftir, um tað skal vera Meginskúlin á Sandi, Nám X, Stranda skúli, Fuglafjarðar skúli, Skúlin við Ósánna ella Skúlin á Ziskatrø, sum verður ársins íverksetaraskúli.

Vinnararnir fáa heiðursgávur frá Íverksetarahúsinum, umframt frá Jóhan Dahl, landsstýrismanni í vinnumálum og BankNordik.

Í dómsnevndini sita Tór Verland í BankNordik, Jónhild Rasmussen, á Føroya Tele og Kitty May Ellefsen frá Íverksetarahúsinum.