Árni Joensen
.(JavaScript má vera gildað fyri at kunna síggja teldupostadressun)
Leiðslan á universitetssjúkrahúsinum í Odense hevur gjørt av at lata eina deild aftur, eftir at sjúkrahúsið hevur staðfest eina hættisliga tarmbakteriu hjá tveimum sjúklingum. Sjúkrahúsið skrivar á heimasíðu síni, at teir báðir sjúklingarnir eru avbyrgdir, og at deildin er stongd tær næstu fýra vikurnar.
Tarmbakterian, sum sjúkrahúsið hevur staðfest hjá teimum báðum sjúklingunum, er ein útgáva av bakteriuni Clostridium difficile, sum elvir til leyst lív. Sjúklingarnir fáa nú serviðgerð.
Universitetssjúkrahúsið sigur, at tann stongda deildin skal vaskast væl og virðiliga. Tað er ikki nóg mikið við vatni og sápu, og tí verður deildin reinsað við evnum við klori í, sigur sjúkrahúsið.
Næsta grein: Amariel Norðoy sýnir fram
Vit gera eina serliga undirvísingarferð í miðeystursøgu frá 5. - 15. juli 2013. Les meira her!
Høvuðpína, svøvnloysi, pína í ryggi ella nakka? Svenska píkamottan prikar pínuna burtur.
Sólsetur er ein fyritøka, ið veitir jarðarferðarhjálp. 
