Eirikur Lindenskov
.(JavaScript má vera gildað fyri at kunna síggja teldupostadressun)
Tann 32 ára gamli maðurin, sum í morgun brúkti knív ímóti einum 40 ára gomlu manni í Plantasjuni í Havn, er eftir grundlógaravhoyring í kvøld varðhaldsfongslaður í fýra vikur.
Talan er um skuldsetingar eftir trimum greinum í revsilógini, tí maðurin er skuldsettur fyri harðskap eftir grein 244 í revsilógini, fyri hóttanir eftir grein 266 og fyri likamligan skaða eftir grein 245.
Í grundlógaravhoyringini í Føroya rætti játtaði hann seg sekan í at hava sligið tann 40 ára gamla í høvdið og andlitið, og at hava skorið hann í høkuna við einum knívi, hann hevði uppi á sær.
Fjølmiðlarnir fingu annars forboð ímóti at referera annað enn skuldsetingina og longdina á fongslingini frá rættarfundinum, tí politiið enn ikki hevði avhoyrt eitt møguligt vitni í málinum.
Næsta grein: Sýrar skutu rakettir inn í Jordan
Føroya fysta fyritøka sum veitir hjálp til jarðarferðir.
Vit gera eina serliga undirvísingarferð í miðeystursøgu frá 5. - 15. juli 2013. Les meira her!
Vit selja tær flisarnar - 
